December 9, 2021

KleaBe

Të Gjitha Këtu për Ju

Abdixhiku takim virtual me Kongresin Panshqiptar Amerikan – KosovaPress

1 min read

Kryetari i LDK-së, Lumir Abdixhiku, ka mbajtur një takim virtual me Kongresin Panshqiptar Amerikan PAAC.

Sipas komunikatës së lëshuar nga LDK, Abdixhiku vlerësoi rolin jashtëzakonisht të rëndësishëm të lobit shqiptaro-amerikan në kultivimin dhe thellimin e raporteve ndërmjet SHBA-së dhe Kosovës.

Kryetari Abdixhiku diskutoi në veçanti për kërkesat, propozimet dhe zotimet e anëtarëve të Kongresit Panshqiptar Amerikan.

Ai u zotua për një koordinim të ngushtë dhe të rregullt me PAAC për temat e politikës së jashtme me departamentin përkatës duke përcaktuar pikën e përhershme të kontaktit dhe i ftoi në vizitë në Kosovë.

Në emër të PAAC, Lushi falënderoi kryetarin Abdixhiku për konstruktivitet në formimin e institucioneve dhe në çështjet madhore për shtetin e Kosovës. Po ashtu ofroi mbështetje të fuqishme për kryetarin Abdixhiku dhe LDK-në.

Gjatë takimit u diskutua për temat e brendshme për Kosovën, rolin dhe ndikimin në rajon, dialogun, fuqizimin e rolit të mërgatës sipas LDK-së në ekonominë e Kosovës si dhe për ngritjen e nivelit të bashkëpunimit me administratën në Washington.

Burimi i lajmit: Kosova Press