December 8, 2021

KleaBe

Të Gjitha Këtu për Ju

Falsifikuan vula dhe nënshkrime të mjekëve, arrestohen dy persona në Shqipëri – Sinjali

1 min read

Policia e Shqipërisë ka arrestuar dy persona dhe është në kërkim të të dyshuar të tretë, pasi që në bashkëkryerje dyshohen se falsifikonin vulat dhe firmat e personelit mjekësor, duke plotësuar fiktivisht formularët që plotësohen për aplikimin ose rinovimin e lejeve të drejtimit.

Sipas Policisë, pas një hetimi disaditor zhvilluan dhe finalizuan operacionin e koduar “Formulari”, si rezultat i të cilit u vunë në pranga shtetasit:

“I. K., 51 vjeç dhe A. G., 32 vjeç, të dy banues në Tiranë. U procedua në gjendje të lirë shtetasi D. F., 40 vjeç dhe u shpall në kërkim shtetasja O. D., 26 vjeçe. Këta shtetas, në bashkëpunim me njëri-tjetrin, falsifikonin vulat dhe firmat e personelit mjekësor duke plotësuar fiktivisht formularët që plotësohen për aplikimin ose rinovimin e lejeve të drejtimit. Në cilësinë e provës materiale janë sekuestruar formularë të falsifikuar, kuponë jotatimorë të prerë fiktivisht, mandate arkëtimi të falsifikuar dhe aparate celularë”, thuhet në njoftim.

Materialet u referuan në Prokurorinë pranë Gjykatës së Shkallës së Parë Tiranë, për veprën penale “Falsifikimi i vulave, i stampave ose i formularëve” në ngarkim të shtetasve të lartpërmendur./Gazeta Sinjali/

Burimi i lajmit: Gazeta Sinjali