Ferat Shala: Shkarkimi i bordit të AKP-së, i panevojshëm!

Kuvendi i Kosovës ka shkarkuar bordin e Agjencinë Kosovare të Privatizimit për vitin 2020.Për një vendim të tillë reaguan deputetë të partive opozitare.

Deputeti i PDK-së, Ferat Shala, njëherësh kryetar i Komisionit për Ekonomi, ka thënë se është tentuar që të anashkalohen procedurat në Komisionin për Buxhet dhe Financa.

Ai ka thënë se në komisionin për ekonomi ku kanë pasur të ftuar për raportim bordin e AKP’së, kanë kërkuar që të dinë se cilat procese janë ndërprerë pas email’it që ata kanë marrë nga kryeministëri.

Sipas tij, deputetët e pozitës nuk pritën derisa anëtarët e këtij komisioni të marrin informacione shtesë nga AKP, por që e shkarkuan bordin.“Është tentuar që të anashkalohet çështja e Komisionit për Buxhet dhe Financa. Rregullorja e thotë se pas përfundimit të procedurave në Komisionin për Ekonomi, kjo duhet të kaloj në Komisionin për Buxhet. Më është dashur të intervenojë 3 herë në instancat e Kuvendit që të sqarohet se po shkelen procedurat. Rregullat e Kuvendit duhet të jenë transparente. Ne kemi pasur vërejtjet tona edhe në komision. Ne donim të dimë, se cilat procese janë ndërprerë pas email’it të kryeministrit, sa ka qenë kjo ligjore e a ka interferuar email. Unë i pyeta se çfarë po ndodhë me pjesën e tokave bujqësore, e me objektet industriale. Pse u ndërhy para se të merrej vendimi”, ka deklaruar ai në T7.

Shala ka thënë se çështja ishte në proces andaj edhe këto veprime ishin të panevojshme.“Ishte diçka e panevojshme dhe mbi bazën e asaj që ishte në proces. Ne e patëm një shqetësim gjatë komisionit kur përfaqësuesit e AKP’së ngritën disa dilema. Ata nuk pritën që ne të marrin edhe informacione shtesë. Ne si deputetë kërkonim që të informohemi dhe u morr obligim që AKP t’i informojë mekanizmat e shtetit se çfarë u ndërpre e pse undërpre”, ka theksuar ai.

Burimi i lajmit: Bota Press

Author: admin