December 6, 2021

KleaBe

Të Gjitha Këtu për Ju

Interi mendon për Simone Inzaghin si zëvendësues të Contes

1 min read

Pasi përfundoi kontratën me Antonio Conten dhe pasi humbi duelin me Juven për Massimiliano Allegri, një skenar i ri është zbuluar për të ardhmen e trajnerit të ardhshëm të Interit, njofton Insajderi.

Sipas asaj që raporton “Corrieredellosport.it’’, Simone Inzaghi është kandidatura më e nxehtë për momentin për të marrë drejtimin e skuadrës zikaltër dhe çdo gjë momentalisht duket afër fundit.

Trajneri i Lazios mbrëmjen e djeshme darkoi me presidentin Lottito dhe drejtorin sportiv Igli Tare, ku u arrit marrëveshja e rinovimit dhe për tre vite të tjera me një rrogë 2.2 milionë euro në sezon, ndërsa sipas raportimeve Interi i ka ofruar një marrëveshje me 3.9 milionë euro në sezon.

Megjithatë, marrëveshja nuk u bë zyrtare dhe ngeli çdo gjë në kuadrin e raportimeve.

Agjenti i Inzaghit, Tulio Tinti i cili është gjithashtu dhe agjenti i futbollistit të Interit, Alessandro Bastoni, ndodhet momentalisht brenda zyrave të Interit për të mbyllur një marrëveshje të mundshme me klubin zikaltër.

Drejtuesit e Interit po kërkojnë një trajner të nivelit mesatar dhe profili i Inzaghit duket se është i duhuri. /Insajderi.com

Burimi i lajmit: Gazeta Online Insader