May 24, 2022

KleaBe

ALL HERE FOR YOU

Kontrabandë me emigrantë në Suharekë, arrestohet një person

1 min read

Policia e Kososvës ka arrestuar një person me dyshimin se ka kontrabanduar emigrantë.

Pas dyshimeve që po zhvillohet kjo vepër penalë, policia ka kontrolluar në dy lokacione në territorin e Suharekës mëngjesin e kësaj të enjte, njofton Klan Kosova.

Gjatë kontrollit janë gjetur dhe sekuestruar si prova materiale: 36 pasaporta të RKS-së, një diplomë e kryerjes së Shkollës së Mesme të Lartë, 22 foto të gjashtë personave të ndryshëm, një transaksion bankar. I dyshuari nuk është hasur në atë lokacion.

Gjatë grumbullimit të dëshmive dhe provave, policia ka ardhur në përfundim se edhe në një lokacion të dytë mund të gjinden dëshmi lidhur me kryerjen e kësaj vepre penale. Kështu, pas marrjes së urdhëresës nga organet e drejtësisë është realizuar në mesditë (27 maj 2021) kontrolli në lokacionin e dytë.

Aty janë gjetur dhe sekuestruar si dëshmi: dy telefona; dy pasaporta të RKS-së, dy transaksione bankare, një diplomë e Shkollës së Mesme të Lartë (gjimnazit) dhe një pushkë gjysme automatike me një karikator dhe 28 fishekë të kalibrit 7.62 mm.

I dyshuari i dytë është arrestuar dhe i është shqiptuar masa e ndalimit prej 48 orë.

Burimi i lajmit: Klan Kosova