December 8, 2021

KleaBe

Të Gjitha Këtu për Ju

Kurti për shkarkimin e bordit të AKP-së: Të këqijat duhen ndalur shpejt

1 min read

Kryeministri i Kosovës, Albin Kurti, ka thënë se të mirat vijnë ngadalë, por të këqijat duhet të ndalen shpejt, njofton Insajderi.

Ky reagim i Kreut të Ekzekutivit, erdhi pasi sot Kuvendi i Kosovës shkarkoi bordin e Agjencisë Kosovare të Privatizimit.

“Ky është vetëm hapi i parë drejt shuarjes së këtij institucioni, gjë që hap rrugën për themelimin e Fondit Sovran”, ka shkruar Kurti në Facebook.

Ai tregoi se kanë propozuar një bord të ri i cili do të ketë një mandat të ri.

Gjatë seancës së sotme në Kuvendin e Kosovës, Kurti deklaroi se përmes AKP “është vjedhur shumë”.

“Më nuk ju lejojmë me vjedhë”, ka thënë ndër tjerash ai, të enjten. /Insajderi.com

Burimi nga Insajder