December 8, 2021

KleaBe

Të Gjitha Këtu për Ju

Në aksidentin e teleferikut në Itali gjetën vdekjen prindërit e tij – pyetja prekëse që vogëlushi kishte bërë, sapo kishte mbërritur në spital – Telegrafi

2 min read

Një fotografi e fundit e një djali, e realizuar para një përplasje tragjike teleferiku në Itali që vrau të dy prindërit e tij, është shfaqur, ndërsa djali zgjohej nga koma.

Kjo vjen ndërsa tre persona u arrestuan nga policia italiane në një hetim për ngjarjen fatale.

Pesë vjeçari Eitan Biran, nga Izraeli, ishte i mbijetuari i vetëm nga përplasja që vrau 14 vetë, shkruajnë mediat e huaja, përcjell Telegrafi.

Sipas gazetës italiane La Stampa, Eitan i ri raportohet të ketë pyetur “Ku është mami?” pas mbërritjes së tij në spital në Torino, Itali, para se të vihej në koma të shkaktuar nga mjekët.

Lexo po ashtu:

Viktimat e aksidentit përfshijnë të dy prindërit e tij, Amit Biran, 30 vjeç, dhe Tal Peleg-Biran, 26 vjeç dhe vëllai dy vjeçar i Eitan, Tom.

Gjyshërit e Tal, Barbara, 71 vjeç dhe Yitzhak Cohen, 81 vjeç, gjithashtu vdiqën në aksident.

Ndërkohë në një fotografi të bërë disa momente para përplasjes, Eitan mund të shihet duke parë dritaren e teleferikut në Italinë veriore, duke qëndruar pranë stërgjyshit të tij, momente para përplasjes, sipas The Sun.

Teleferiku po udhëtonte nga Stresa, në liqenin Maggiore, për në malin Mottarone në Alpet e Italisë.

Lexo po ashtu:

Hetuesit thanë të hënën, hetimi i tyre fillestar mbi katastrofën do të shikonte se si u këput kablloja e plumbit dhe pse një mekanizëm i frenimit të sigurisë dështoi të aktivizohej.

Teleferiku po i afrohej një stacioni në majë të malit Motarone me 4,900 metra kur u zhyt, u rrotullua në terrenin e pjerrët dhe u përplas me pemë.

Besohet se kablloja u këput tragjikisht ndërsa iu afrua ndalesës së saj të fundit në udhëtimin 20-minutësh dhe prokurorët italianë kanë hapur një hetim.

Ministri i Transportit dhe Infrastrukturës, Enrico Giovannini, vizitoi zonën të hënën dhe tha se qeveria do të krijojë gjithashtu një komision për të parë fatkeqësinë më të keqe të teleferikëve në Itali që nga viti 1998. /Telegrafi/

Burimi nga Telegrafi