Coutinho nuk është më në planet e Barcelonë, e ardhmja e tij në Angli – Telegrafi

Philippe Coutinho vazhdon të mbetet një problem për gjigantin spanjoll Barcelona.

Mesfushori brazilian u rikthye në Camp Nou pas një huazimi një vjeçar te Bayern Munich, por përsëri nuk ka bindur.

Në fakt në fillim të edicionit ai e nisi mbarë, por pastaj u lëndua dhe humbi pjesën më të madhe të sezonit.

Barcelona është duke tentuar të gjejë një blerës për të, pasi kanë paguar 135 milionë euro për ta transferuar nga Liverpooli.

E ardhmja e brazilianit duket se do të jetë sërish në futbollin anglez, ku Arsenal dhe Everton janë duke kërkuar shërbimet e tij.

Katalunasit janë të gatshëm ta shesin yllin brazilian nëse arrin ndonjë ofertë mbi 50 milionë euro.

28-vjeçari këtë edicion ka zhvilluar vetëm 14 ndeshje, ku ka shënuar tre gola dhe ka asistuar në dy të tjerë.

Mesfushori ofensivë është pjesë e Barcelonës që nga viti 2018, por ai asnjëherë nuk i ka arritur pritshmëritë në Camp Nou. /Telegrafi/

Burimi nga Telegrafi

Author: admin