Kasapi i Bosnjes mbyllet në burg me përdhunues e pedofilë

Krimineli serb i luftës, Radovan Karaxhiç, do të mbyllet në burg në Britani të Madhe, me përdhunues e pedofilë, për të vuajtur pjesën tjetër të dënimit.

“Kasapi i Bosnjës”, tani 75-vjeç, u dënua me 40 vjet burg në vitin 2016 nga Gjykata Ndërkombëtare në Hagë pasi u shpall fajtor për masakrën e Srebrenicës në korrik të vitit 1995, ku forcat serbe në Bosnjë vranë më shumë se 8000 myslimanë.

Pak kohë më parë, Britania e Madhe ra dakord për ta transferuar Karaxhiçin për të vuajtur pjesën e mbetur të dënimit.

Shteti vendosi që ta dërgonte në një burg ku ka më pak myslimanë, ndaj të cilëve Karaxhiç ka kryer krime. Si rrjedhojë, ai u dërgua në një burg në ishullin e Ëightit, ku myslimanët zënë vetëm dhjetë për qind të burgut me 1000 të dënuar.

Vitet e para i kaloi me 14 të burgosur të tjerë e me kushte të mira.

Tani, siç shkruan “The Sun”, do t’i duhet të jetojë në qeli te të cilat nuk ka as banjë.

Shumica e të burgosurve janë mbi 50-vjeç, e shumë prej tyre vuajnë nga demenca.

 Një burim i tha “The Sun” se “ai nuk e di çfarë e ka gjetur”.

Masakra e Srebrenicës ishte krimi më i rëndë i kryer në Evropë që nga Lufta e Dytë Botërore

Burimi i lajmit: Epoka e Re

Author: admin