Vjen lajmi i shumpritur: Personat që ecin vetëm në rrugë nuk janë të obliguar të mbajnë maskë – GazetaBlic

Qeveria e Kosovës ka miratuar me shumicë votash masat e reja antiCOVID.

Në mesin e masave të reja, është përfshirë edhe largimi i maskës për parandalimin e transmetimit të koronavirusit tek personat që ecin vetëm.

Në kuadër të masave të reja do të heqet ora policore dhe do të zgjatet orari i punës për gastronominë deri në ora 23:00.

“Sipas raportit të IKSHPK-së situatat epidemiologjike në Kosovë paraqitet e qëndrueshme me vazhdimin e uljes së rasteve pozitive, duke shënuar rënie. Qeveria cakton masa më të lehtësuara. Masat kryesore do të jenë si në vijim: Kufizimi i qarkullimit do të hiqet, megjithatë nga ora 00:00 deri në ora 05:00 nuk lejohet grumbullimi i personave në hapësira të brendshme dhe të jashtme. Zgjatja e orarit të punës së gastronomisë do të jetë deri në orën 23:00. Lejimin e lëvizjes pa maska të qytetarëve gjatë ecjes kur ata janë vet dhe në ambientet e jashtme”, tha Vitia në fjalën e tij.

Burimi i lajmit: Gazeta Blic