July 30, 2021

KleaBe.Com

Të Gjitha Këtu për Ju

Mercedes pritet të prodhojë një veturë kabrioletë të G-Class – Telegrafi

2 min read

Legjenda G-Class e Mercedes-it ka pësuar shumë pak ndryshime në vitet e fundit dhe kompania gjermane tani po përgatitet për një lëvizje radikale. Ashtu siç është rasti me Porsche 911 ose Fiat 500, disa gjëra janë më të mirat “për të mos prekur shumë”.

Pavarësisht kësaj, deri më tani kemi parë një sërë përpjekjesh për të përmirësuar pamjen e G-Class me boks, Mansory ka treguar krijimin e saj, ashtu si dhe akorduesit e tjerë, por tani është koha që Mercedes të bëjë të njëjtën gjë.

Fotografitë që janë shfaqur në internet zbulojnë se ka pak ndryshime, por kjo nuk është e vërteta e tërë, pasi raportet e mediave thonë se Mercedes po punon në një SUV me një çati të palosshme, raporton benzinsider.

Ky informacion u “nxit” nga fakti që Mercedes po kërkon inxhinierë të rinj për të punuar në çatinë e palosshme në fabrikën e vendosur në Graz, Austri, ku prodhohen ndryshe produkte të Klasës G.

Sigurisht, këta inxhinierë mund të punojnë në një projekt krejtësisht të ndryshëm, por ekziston një teori që Mercedes po ringjall konfigurimin Landaulet për Maybach. Nëse është e vërtetë, Mercedes-Maybach do të marrë G-Class të saj që do ta çojë luksin në një nivel edhe më të lartë.

Nëse dikush nuk e mban mend origjinalin, vetëm 99 kopje u prodhuan për të shënuar largimin e gjeneratës së fundit të G-Class para mbërritjes së modelit aktual. /Telegrafi/

[embedded content]

Burimi i lajmit: Telegrafi